Bundan roppa-rosa 10 yil avval, 2014 yilning 8 iyul kuni Jahon chempionatida Braziliya va Germaniya terma jamoalari o‘rtasida yarim final uchrashuvi bo‘lib o‘tgandi. Kutilgaganda nemislar Braziliyani 7:1 hisobida mag‘lub etishdi.
28-daqiqaga kelib Tomas Myuller, Miroslav Kloze, Toni Kroos (dubl) va Sami Xediraning gollaridan so‘ng hisob 0:5 ko‘rinishiga keldi. Ikkinchi bo‘limda Andre Shyurrle dubl qayd etgan bo‘lsa, keyinroq Oskar braziliyaning yagona golga mualliflik qilgandi.
Braziliya uchun o‘z maydonidagi jahon chempionatidagi 1:7 hisobidagi mag‘lubiyat jiddiy zarba bo‘ldi. Keyinroq braziliyaliklar uchinchi o‘rin uchun kechgan bahsda ham yirik hisobda mag‘lub bo‘ldi – Niderlandiyaga 0:3 hisobida. Germaniya terma jamoasi esa finalda Argentinani Mario Gyotsening 112-daqiqada kiritgan goli evaziga 1:0 hisobida mag‘lub etib, o‘sha mundial g‘olibiga aylangandi.
