Бугун Дортмунднинг "Боруссия" клуби ҳимоячи Валдемар Антонни ўз сафига қўшиб олганини расман эълон қилди.
"Арилар" спорт директори Себастьян Кель жамоасининг сўнгги трансфери ҳақида фикр билдирди.
"Валдемар - биринчи даражали марказий ҳимоячи ва биз учун ҳақиқий таянч. У тактик жиҳатдан яхши тайёргарликка эга, қаттиққўл, ҳавода кучли ва майдонда ҳам, кийиниш хонасида ҳам мутлақ етакчи, ижобий ички таъсирга эга ва ҳар доим максимал муваффақиятга интилади. Германия терма жамоасининг амбицияли ўйинчиси сифатида у бизга жуда мос келади ва биз уни биргаликдаги саёҳатимизга қўшилишга илҳомлантирганимиздан жуда хурсандмиз", - деди Кель "Боруссия" матбуот хизматига.
Ўтган мавсумда Антон "Штутгарт" футболчиси сифатида Бундеслигада кумуш медални қўлга киритди.
