Испания терма жамоаси Франция устидан қозонилган ғалаба (2:1) эвазига Евро-2024 финалига йўлланмани қўлга киритди.

Луис де ла Фуэнте жамоаси 21 ва 25-дақиқаларда Ламин Ямал ва Дани Ольмонинг аниқ зарбалари эвазига устунликка эришган бўлса, Рандал Коло-Муани 9-дақиқада французлар сафида гол урди. Opta хабарига кўра, Испания тарихда бешинчи марта Европа чемпионати финалига чиқди - бу олти марта ҳал қилувчи баҳсга етиб борган Германиядан кейин иккинчи натижа.

Финалдаги "қизил фурия"нинг рақиби Англия - Нидерландия қарама-қаршилиги ғолиби бўлади. Иккинчи ярим финал чоршанба куни бўлиб ўтади, финал эса якшанба кунига режалаштирилган.