Испания терма жамоаси барча ўйинларда ғалаба қозониб, Европа чемпионати финалига чиқди.
Ярим финалда “қизил фурия” Францияни мағлуб этди (2:1). Бунгача Германия худди шундай ҳисобда мағлуб қилинган бўлса, 1/8 финалда Луис де ла Фуэнте шогирдлари грузияликлар устидан ғалаба қозонган (4:1). Гуруҳ босқичида жамоа Албания (1:0), Италия (1:0) ва Хорватия (3:0) қаршиликларини синдиришга муваффақ бўлди.
Агар улар финалда ғалаба қозонса, испанлар битта йирик турнирда еттита ўйинда ғалаба қозонган иккинчи жамоага айланади, деб хабар беради Squawka. Бугунги кунга қадар бунга фақатгина 2002 йилги Жаҳон чемпионатида ғалаба қозонган Бразилия терма жамоаси эришган.
