Кеча Колумбия ва Уругвай терма жамоалари ўртасида Америка кубоги-2024 иккинчи ярим финал учрашуви бўлиб ўтди. Учрашув Колумбия термасининг 1:0 ҳисобидаги минимал ғалабаси билан якунланди. Ягона гол биринчи бўлим охирида Лерма томонидан киритилди.

Финал ҳуштаги янграгач, стадионда Уругвай терма жамоаси футболчилари ва Колумбиядан келган мухлислар ўртасида муштлашув бошланди. Муштлашувда иштирок этганлар орасида футболчилар Дарвин Нуньес ва Рональд Араухо ҳам бор.

Колумбия терма жамоаси нуфузли турнир финалида амалдаги чемпион Аргентина терма жамоаси билан тўқнаш келади. Жанг 14 июлдан 15 июлга ўтар кечаси бўлиб ўтади.