Жованни Ди Лоренцо “Наполи”да қолишга қарор қилди.

Олдинроқ ҳимоячининг агенти «Жованнининг «Наполи»даги даври тугаб қолганини» айтганди. Футболчи «Ювентус» билан шартнома бўйича келишиб олгани ҳақида маълумот чоп этилди.

Неапол клуби сардорнинг очиқ хатини эълон қилди, унда у кетиш ҳақида ўйлаётганини тан олди.

"Ўша даҳшатли мавсум аллақачон ўтиб кетган. Мен президент Де Лаурентис ва Антонио Конте айтган ҳамма нарсани тингладим.

Охирги бир неча кун ичида иккаласи билан ҳам гаплашдим ва беҳуда гапларсиз ёки қуруқ ваъдаларсиз, сизга жуда содда қилиб айта оламан: мавсумни қайтадан бошлаш учун сабрим етмай турибди. Мен ўзимни жамоанинг муҳим қисмидек ҳис қиляпман", - деди ҳимоячи.