"Барселона" ва Испания терма жамоаси футболчиси Ламин Ямал Лионель Мессига қарши ўйнашни истаётганини тан олди.
Испанияликлар Евро-2024 финалига чиқишди, у ерда Англия билан учрашади, аргентиналиклар ва Месси эса Америка кубоги финалида Колумбияга қарши ўйнайди. Учрашувлар мос равишда 14 ва 15 июл кунлари бўлиб ўтади.
"Умид қиламанки, Месси Аргентина билан Америка Кубогида ғалаба қозонади, биз эса Еврода ғалаба қозонамиз, кейин эса мен финалда Леога қарши ўйнай оламан", - дейди Ямал.
Икки терма жамоа "Финалиссима"да тўқнаш келиши мумкин бўлади.
