Олмалиқ” – “Бунёдкор” учрашувидан кейинги матбуот анжуманинг иккинчи қисмига “қалдирғочлар” устози ташриф буюрди.
- Олмалиқда бизни осон бўлмаган ўйин кутиб турганини яхши билардик. Бу жамоа ҳар доим ҳам “Бунёдкор” учун етарли муаммоларни туғдириб келади. Бугун ҳам рақибларимиз жуда тартибли ва аниқ ўйин намойиш этишди ва ҳақли ғалабага эришишди. Ютуқ билан уларни табриклайман. Бугун ҳимоячиларимиз ёш болаларча ҳатолар қилишди ва шунга яраша жазоландик. Ҳужумчиларимизни ўйини қовушмади. Ўзи футболда шунақа, ҳужумчининг ўйини ўзига боғлиқ бўлмайди. Ҳимоячи ва ярим ҳимоячилар яхши ўйнаб, олдинги чизиққа яхши паслар оширса ҳужумчининг иши юришади, - дейди Мурод Нодирович.
