Мухлислар Америка Кубоги финалидаги тартибсизликлар туфайли КОНМEБОЛ устидан судга мурожаат қилишди.
Мухлисларнинг кўплаб даъволари Аргентина ва Колумбия терма жамоалари ўртасидаги финал ўйини (1:0, қўшимча вақт) бўлиб ўтган "Хард Рок" стадиони раҳбариятига ҳам қаратилган.
Даъвогарларнинг таъкидлашича, улар финал учун чипта сотиб олган, бироқ оломонни назорат қилиш билан боғлиқ муаммолар стадионга киришга тўсқинлик қилган.
Ўйин 82 дақиқага қолдирилди, шундан сўнг чиптасиз мухлислар стадионга киришга уриниб, тартибсизлик пайдо қилди.
Стадион ходимлари дастлаб кириш йўлларини тўсиб қўйишди, бироқ натижада пайдо бўлган сиқилиш туфайли стадион қайта очилди ва баъзи мухлислар чипталари бор-йўқлигидан қатъий назар киришга рухсат олди.
Ариза берувчиларнинг ҳар бир даъвоси 100 000 доллардан ортиқ пул ва маънавий зарарни талаб қилади.
