Колумбия терма жамоаси ва Италиянинг "Парма" клуби собиқ ҳужумчиси Фаустино Асприлья Аргентинага қарши Америка кубоги финалида ҳамюртларининг мағлубияти учун қайғурмоқда. Унинг фикрича, Колумбия терма жамоаси яхшироқ ўйнади.
"Колумбия кўпроқ имкониятлар яратди ва устунлик қилди. Учрашувнинг дастлабки ўн дақиқасидан сўнг жамоамиз ўйин тизгинини ўз қўлига олди. Бу осон эди. Аммо ўйиннинг сўнгги босқичида содир бўлган воқеа нотўғри қарорлар натижаси бўлди. Нимадир нотўғри кетди" - деди Асприлья ESPN Columbia билан суҳбатда.
Эслатиб ўтамиз, Америка кубоги финал учрашувида Аргентина терма жамоаси колумбияликларни минимал ҳисобда мағлуб этганди.
