Сўнгги йилларда "Барселона" молиявий қийинчиликларга дуч келди ва бу уларнинг натижаларига таъсир қилди. Аммо "Блауграна" мухлисларига келажакка оптимизм билан қараш имконини берувчи муҳим кўрсаткич бор. Transfermarkt портали 21 ёшгача бўлган тоифадаги футболчиларнинг баҳосидан келиб чиққан ҳолда клублар рейтингини тузиб чиқди. "Барселона" таркибида 14 нафар шундай футболчи бор ва уларнинг умумий баҳоси 444 миллион еврони ташкил қилади.
Иккинчи ўринда эса 320 миллион евро билан “Реал” жойлашган. Шу билан бирга, "Лос-Бланкос" таркибида 21 ёшгача бўлган атиги тўрт нафар футболчи бор.
Учинчи ўринни "ПСЖ" (13 футболчи, 262 миллион евро) эгаллаб турибди. Тўлиқ рейтингни қуйидаги расмда кўришингиз мумкин.