"Милан"нинг собиқ бош мураббийи Фабио Капелло нидерландиялик ярим ҳимоячи Тижани Рейндерсни клубдаги иккинчи мавсумига тайёргарлик кўраётганида юқори баҳолайди.
Капеллонинг фикрича, сўнгги бир йил ичида Рейндерс ўз қийматини сезиларли даражада оширди.
"Рейндерс Европа чемпионатини ажойиб ўтказди. У ўз савиясини оширди, мен Нидерландия терма жамоасининг барча ўйинларини томоша қилдим ва айтишга уялмайман, у зўр эди. Мен Тижанидек футболчини ҳеч қачон рад этмаган бўлардим", - деди Капелло.
Италия А Сериясининг янги мавсуми 17 август куни бошланади.
