Дортмунднинг "Боруссия" клуби спорт директори лавозимини эгаллаб турган Себастьян Кель ҳужумчи Никлас Фюллькругнинг сотилиши мумкинлиги ҳақидаги саволга жавоб берди.
Германия терма жамоасининг 31 ёшли футболчисига "Милан" ва "Атлетико Мадрид" клублари қизиқмоқда. Яқинда Серу Гирассининг "Боруссия"га келиши, "асаларилар"нинг Фюллькруг билан хайрлашиши эҳтимолини оширди.
"Мавсумни тўртта ҳужумчи билан бошлаш идеал ҳолат эмаслигини тушунамиз. Бу позицияда янгилик бўлиши мумкин. Албатта, мен Никлас билан гаплашдим. Бизнинг барча футболчиларимиз шижоатли, рақобат ҳам жуда муҳим”, - деди Кель Bild нашрига берган интервьюсида.
