"Челси" ҳимоячиси Леви Колвилл "Рексхэм" ярим ҳимоячиси Жеймс Маклин билан жанжаллашиб қолди.

"Кўклар"нинг 21 ёшли футболчисига ўйиннинг дастлабки дақиқаларидаёқ ирландияликнинг қўпол ўйини ёқмади ва уни ёқасидан ушлаб олди. 35 ёшли ярим ҳимоячи рақибига худди шундай жавоб қайтарди. Ўйинчилар ҳакамлар етиб келгунча бир-бирларини шу тарзда ушлаб туришди. Расмий ўйинда ҳодисанинг иккала иштирокчиси ҳам майдондан четлатилган бўлиши мумкин эди.

"Рексхэм" билан учрашув "Челси"нинг янги бош мураббийи Энцо Мареска бошқарувидаги илк учрашув. Мавсум олди ўйини АҚШда бўлиб ўтмоқда. 36-дақиқада лондонликлар ҳужумчиси Кристофер Нкункунинг саъй-ҳаракатлари билан ҳисоб очилди. Учрашув давом этмоқда (хабар ёзилган вақтда).