"Chelsi" himoyachisi Levi Kolvill "Reksxem" yarim himoyachisi Jeyms Maklin bilan janjallashib qoldi.
"Ko‘klar"ning 21 yoshli futbolchisiga o‘yinning dastlabki daqiqalaridayoq irlandiyalikning qo‘pol o‘yini yoqmadi va uni yoqasidan ushlab oldi. 35 yoshli yarim himoyachi raqibiga xuddi shunday javob qaytardi. O‘yinchilar hakamlar yetib kelguncha bir-birlarini shu tarzda ushlab turishdi. Rasmiy o‘yinda hodisaning ikkala ishtirokchisi ham maydondan chetlatilgan bo‘lishi mumkin edi.
"Reksxem" bilan uchrashuv "Chelsi"ning yangi bosh murabbiyi Enso Mareska boshqaruvidagi ilk uchrashuv. Mavsum oldi o‘yini AQSHda bo‘lib o‘tmoqda. 36-daqiqada londonliklar hujumchisi Kristofer Nkunkuning sa’y-harakatlari bilan hisob ochildi. Uchrashuv davom etmoqda (xabar yozilgan vaqtda).
