"Ювентус" ярим ҳимоячиси Поль Погба ижобий допинг тести учун дисквалификация қилинишига қарши апелляция санасини кутар экан, ўз ҳис-туйғулари билан ўртоқлашди.
"Мен апелляция санасини кутиш билан яшайман. Унгача менинг мақсадим формада қолиш ва кутиш. Эсимни таниганимдан бери футбол ҳаётимнинг бир қисмига айланди. Ваҳоланки, мени доим қўллаб-қувватлаган оилам, эътиқодим, дўстларим ва мухлисларим бор. Бу менга ўзимни яхши ҳис қилишимга ёрдам беради, ҳаммаси яхши бўлади", - деди Погба Corriere dello Sport билан суҳбатда.
Эслатиб ўтамиз, ўтган йилнинг август ойида франциялик ярим ҳимоячи допинг-тестдан ижобий ўтган эди. 29 февраль куни антидопинг суди футболчини 4 йилга дисквалификация қилиш қарорини тасдиқлади. Суд Погбани дисквалификация қилиш тўғрисида қарор қабул қилганидан сўнг, у апелляция берди.
