"Yuventus" yarim himoyachisi Pol Pogba ijobiy doping testi uchun diskvalifikasiya qilinishiga qarshi apellyasiya sanasini kutar ekan, o‘z his-tuyg‘ulari bilan o‘rtoqlashdi.
"Men apellyasiya sanasini kutish bilan yashayman. Ungacha mening maqsadim formada qolish va kutish. Esimni taniganimdan beri futbol hayotimning bir qismiga aylandi. Vaholanki, meni doim qo‘llab-quvvatlagan oilam, e’tiqodim, do‘stlarim va muxlislarim bor. Bu menga o‘zimni yaxshi his qilishimga yordam beradi, hammasi yaxshi bo‘ladi", - dedi Pogba Corriere dello Sport bilan suhbatda.
Eslatib o‘tamiz, o‘tgan yilning avgust oyida fransiyalik yarim himoyachi doping-testdan ijobiy o‘tgan edi. 29 fevral kuni antidoping sudi futbolchini 4 yilga diskvalifikasiya qilish qarorini tasdiqladi. Sud Pogbani diskvalifikasiya qilish to‘g‘risida qaror qabul qilganidan so‘ng, u apellyasiya berdi.
