Лондоннинг "Фулхэм" клуби ижтимоий тармоқларда клуб академияси тарбияланувчиси қайтганини расман эълон қилди. 24 ёшли ярим ҳимоячи Райан Сессеньон ўз фаолиятини "боғбонлар" сафида давом эттиради. Футболчи 2026 йилнинг ёзига қадар шартнома имзолаган ва клубга эркин агент сифатида келган.

Сессеньон “Фулхэм” тарбияланувчиси ҳисобланади ва 2019 йилда “Тоттенхэм” томонидан 27 миллион евро эвазига сотиб олинганди. Райан Шимолий Лондонда беш йил ўтказди, бир марта бу даврда у "Хоффенхайм"га бир йиллик ижарага ўтди.

"Фулхэм" ўтган мавсумда Премьер-лигада 13-ўринни эгаллади.