"Манчестер Юнайтед" ярим ҳимоячиси Скотт Мактоминей ёзги трансфер ойнасида клубини ўзгартириши мумкин.
Sky Sports хабарига кўра, "Фулхэм" футболчи учун 17 миллион фунт тўлашга тайёр эди, бироқ "қизил иблислар" бу таклифдан қониқмаган. Қайд этилишича, Лондон клуби яқин орада яхшиланган таклиф билан чиқади.
Ўтган мавсумда британиялик футболчи Англия чемпионатида 32 марта майдонга тушиб, 7 марта рақиблар дарвозасига тўп киритган. Transfermarkt портали мутахассислари Скотт Мактоминайни 32 миллион еврога баҳоламоқда.
