"Пари Сен-Жермен" “Бавария” билан “Ренн” вингери Дезире Дуэ учун курашни давом эттирмоқда.

Сўнгги пайтларда француз гранди 19 ёшли футболчи бўйича музокараларда сезиларли ютуқларга эришди, деб хабар беради SportsZone. Вундеркинднинг манфаатларини ҳимоя қилувчи агент Мусса Сиссоко ўз мижозини "Бавария"да эмас, балки "ПСЖ"да кўрмоқчи.

Кўплаб миш-мишларга кўра, Дезире Дуэнинг трансфери харидорларга 50 миллион евродан кўпроққа тушади. Ҳужум ва ярим ҳимоянинг деярли барча позицияларида ўйнаш тажрибасига эга бўлган франциялик футболчи “Ренн” сафида 76 та ўйинда 8 та гол урди ва 7 та голли узатмани амалга оширди.