Иккинчи ярим финал ҳам ўйин темпи, футболчиларнинг иштиёқи жиҳатидан биринчисидан қолишмади. "Бунёдкор" бутун ўйин давомида "Ардус"дан қолишмасликка, доимий прессинг қилишга интилди. Абдулла Бўриев шогирдлари ўйин бошида бир нечта қулай имкониятлардан фойдалана олишмади.

"Ардус" жамоаси эса яхши ҳимояланишди ва маҳорат эвазига ўз имкониятларининг учтасидан фойдаланишди.

Шундай қилиб, финал ва 3-ўрин учун баҳслар 25-27 апрель кунлари ўтказилади. Бу тўқнашувлар ҳам 2та ғалабага қадар давом этади. Бу ўйинлар орқали чемпионат совриндорлари номи аниқланади.

Футзал бўйича Ўзбекистон чемпионати. Ярим финал. Иккинчи учрашув
"АРДУС" - "БУНЁДКОР" - 3:0 (1:0)
Голлар: Фаррух Зокиров (5), Дилшод Ирсалиев (24), Шаҳзод Бўриев (37)
Огоҳлантиришлар: Фаррух Зокиров (13), Жамолиддин Шарипов (25)
"Ардус": Жамол Шарипов, Руслан Халилов, Фаррух Зокиров, Дилшод Раҳматов, Николай Кравченко, Шавкат Муҳиддинов, Зариф Бегулов, Шаҳзод Бўриев, Фарҳод Абдумавлонов, Дилшод Ирсалиев, Шуҳрат Тожибоев, Темур Шоймардонов, Андрей Шлёма
"Бунёдкор": Муродхўжа Азаматов, Искандар Мўминов, Жасур Содиқов, Аъзам Саидаҳмедов, Яшар Муталибов, Машраб Одилов, Абдулла Бўриев, Бахтиёр Умаров, Жавлон Искандаров, Асомиддин Жалолиддинов, Алишер Ибрагимов, Зафар Фозилов, Суннат Туропов
Биринчи ўйин - 5:3