"Байер" ва Германия терма жамоасининг ҳужумкор ярим ҳимоячиси Флориан Вирц яқинда картошкали овқат суратини эълон қилди.
Ёш футболчи оддий пиширилган картошкани ёқлаб чиқишини ёзди. Негадир мухлислар Вирц устидан кула бошлашди, аммо энди у масхара сабабини тушунмаганини айтди.
"Менга бу кулгили туюлмаяпти. Дўстларим ва мен нима учун бу вирусга айланганини тушунмаяпмиз. Одамлар устимдан бироз кулишди.
Мен картошкани яхши кўраман. Аммо одамлар бу ҳақда менга ҳар томондан бақирганда, мен бунга эътибор бермасликка ҳаракат қиламан.
Баъзида ишлар шу даражага етиб борадики, энди у қадар кулгили бўлмай қолади", деди Вирц Kicker нашрига.
