Роберт Левандовски янги мавсумдаги ўйинлар тақвимидан хавотирда.
"Бу мавсум олдингисига қараганда қийинроқ бўлади, чунки бизни Чемпионлар лигасида кўпроқ ўйинлар кутиб турибди. Клуб учун ўйинлар бор, терма жамоа ҳам бор, шунинг учун кўп саёҳат қилиш керак бўлади.
Бу ҳар бир клуб ва футболчи учун катта қийинчилик бўлади, чунки умидлар ҳар доим жуда юқори ва сиз ҳар икки кунда ўйнашингиз керак ва одамлар сиздан ҳар бир ўйинда энг юқори савияда ўйнашингизни кутишади.
Лекин ҳар бир ўйинда бор кучини бериш деярли мумкин эмас, чунки дам олишга вақт йўқ, футболдан ташқарида ўйлашга ҳам вақт йўқ. Биз машиналар эмас, одамлармиз.
Балки, якунда шиддатлилик туфайли футбол ўйинлари сифати бироз пасайиб кетар", - деди "Барселона" ва Польша терма жамоаси форварди.
