"Рома" "Ренн"дан Артюр Театега қизиқиш билдирмоқда.
Даниэле Де Росси марказда тезкор ҳимоячи билан шартнома имзоламоқчи. Теате ўтган йили римликларнинг эътиборини тортди, ўшанда клубни Жозе Моуриньо бошқарган, аммо ўша пайтда "Ренн" трансфер музокараларини кейинга сурган эди.
Ҳозир томонлар музокара жараёнини бошлашди, бироқ “Рома” ҳали расмий таклиф билан чиққани йўқ.
Римликлар футболчи билан музокара олиб боришмоқда, у аллақачон йилига 2 миллион евро маош билан беш йиллик шартнома имзолашга рози бўлган.
Француз клуби футболчини бонуслар билан бирга тахминан 20 миллион еврога баҳоламоқда.
