Ушбу трансфер ойнаси вақтида "Барселона" жамоасининг энг кўп маош олувчи футболчиси бўлган ярим ҳимоячиси Френки де Йонг билан хайрлашмоқчи.
El Nacional нашри хабарига кўра, ярим ҳимоячи аллақачон "Манчестер Юнайтед"га таклиф қилинган, "МЮ" ҳали ҳам нидерландиялик футболчига қизиқиш билдирмоқда.
"Манкунианликлар" устози Эрик тен Хаг Френки билан Амстердамнинг "Аякс" клубида ишлаган. Манбага кўра, "Барселона" Де Йонг учун товон пули сифатида 40-45 миллион евро сўрамоқда, бироқ муаммо футболчининг маошида. Френки "кўк-анорранглилар" билан амалдаги шартномасига кўра ҳафтасига 700 минг евро маош олади.
