Ҳозирда "Манчестер Сити"нинг 24 ёшли ҳужумчиси Хулиан Альварес "Атлетико Мадрид" билан шахсий шартномаси шартлари бўйича музокараларни давом эттирмоқда. Бу ҳақда журналист Фабрицио Романо ижтимоий тармоғида хабар берди.
Манбага кўра, аргентиналик футболчининг "матрасчилар" сафига ўтишида маош масаласи ҳал қилувчи омил бўлмоқда. Вазият бироз муқаддам "ПСЖ" унга йиллик 10 миллион евро маош таклиф қилгани сабабли, ҳужумчи ҳали "Атлетико"га ўтиш борасида якуний қарорга келмаган.
Ўтган мавсумда 24 ёшли ҳужумчи барча мусобақаларда 54та ўйинда иштирок этиб, 19та гол ва 13та голга ассистентлик қилган. Футболчининг клуб билан амалдаги меҳнат шартномаси 2028 йилнинг ёзига қадар амал қилади. Футболчи Аргентина терма жамоаси сафида ҳам 36 та ўйин ўтказиб, 9 та гол урган.
