"Реал" ҳужумчиси Винисиус янги мавсумдан олдинги фикрлари билан ўртоқлашди.
"Ўтган мавсумга яқин даражага қайтиш учун ҳар доим қаттиқ машқ қиламан. Мен имкон қадар тезроқ тайёрланмоқчиман, чунки бизни 14-куни катта ўйин кутмоқда, кейин эса Ла Лига бошланади. Биз тайёрмиз.
Мен ўтган мавсумга қараганда кўпроқ чемпионликни қўлга киритишни, кўпроқ гол уришни, кўпроқ голли узатма беришни ва ривожланишда давом этишни хоҳлайман, чунки эндигина 24 ёшдаман. Мана олти йилдан бери шу ердаман, лекин Лукани томоша қилишдан тўймайман. Биз ундан яна бир мавсум ўрганишимиз мумкин", - деди Винисиус Marca билан суҳбатда.
