"Барселона" вингери Дани Родригес Каталония клуби билан янги меҳнат шартномаси имзолади. Бу ҳақда таниқли журналист Фабрицио Романо хабар берди.
19 ёшли футболчининг "Барселона" билан янги шартномаси 2027 йилнинг июнигача амал қилади. Айтиш жоизки, Родригес ҳали “кўк-анорранглилар”нинг асосий таркибидаги дебютини ўтказмаган.
Transfermarkt порталига кўра, футболчининг нархи 100 минг еврога баҳоланмоқда. 17 август куни "Барселона" Испания Ла Лигасининг янги мавсумининг биринчи турида "Валенсия" билан меҳмонда учрашади. Учрашувнинг бошланиши Тошкент вақти билан 00:30 га белгиланган.
