«Манчестер Юнайтед» бош мураббийи Эрик тен Хаг мавсумдаги илк расмий ўйини олдидан ўз фикрлари билан ўртоқлашди.
Шанба куни Англия Суперкубоги доирасида Манчестер дербиси бўлиб ўтади - «Юнайтед» «Уэмбли»да «Манчестер Сити»га қарши ўйнайди. Учрашув Тошкент вақти билан соат 19:00да бошланади.
«Биз ўйин моделимиз устида ишлашимиз керак. Танаффус ниҳоясига етди, футболчилар Евро ва Америка Кубогида ўз терма жамоаларида ўйнашди, ҳар ким турли тактик тизим ва таркибга эга бўлган турли жамоаларда ўйнади, энди ҳаммасини яна бир жойга жамлашимиз керак. Бу осон эмас», - деди Тен Хаг матбуот анжуманида.
