Португалия терма жамоаси ва Саудия Арабистони “Ан-Наср” клуби ҳужумчиси Криштиану Роналду Х ижтимоий тармоғидаги саҳифасида 2024 йилги Европа чемпионатидаги муваффақиятсиз ўйинидан сўнг жамоа билан машғулотларга қайтганига муносабат билдирган постини эълон қилди.
Роналду: "Ишлашга тайёрман", деб ёзиб қолдирди.
39 ёшли Криштиану Роналду Саудия Арабистонининг “Ан-Наср” жамоасида 2023 йилнинг январидан буён тўп тепмоқда. Ўтган 2023/2024 йилги мавсумда у клуб сафида барча турнирларда 45 та ўйинда майдонга тушиб, 44 та гол ва 13 та голга ассистентлик қилган, жумладан, Саудия Арабистони Про лигасида 35 та гол урган.
