Душанба куни “Бунёдкор” ФК мажлислар залида “Бунёдкор” – “Санфречче Хиросима” баҳси олдидан жамоа менежерлари ва учрашув расмийлари йиғилиши бўлиб ўтди.

Тадбирни учрашув комиссари Бенжамин Тан олиб борди. Учрашувга боғлиқ барча ташкилий ишлар юзасидан керакли қарорлар қабул қилиб олинди.

Шунингдек, эртанги баҳсда жамоаларнинг қандай рангли либосларда ўйнашларига ҳам аниқлик киритилди. “Қалдирғочлар” майдонга оқ рангли либосларда чиқишади, дарвозабонимиз эса яшил кийимларда бўлади. Японияликлар эса тўқ қизил рангли формаларни кийишадиган бўлишди.

Ҳакамлар гуруҳи эса сариқ либосларда бўлишади.

Эслатиб ўтамиз, “Бунёдкор” – “Санфречче Хиросима” учрашуви 23 апрель куни соат 18:00да бошланади.