Суперлигада 16-тур ўйинлари давом эттирилди. «Локомотив» жамоаси бу тур сафарда «Пахтакор»га қарши баҳс олиб борди ва 1:3 ҳисобида имкониятни бой берди. Беллашувдан сўнг жамоа бош мураббийи Александр Крестинин матбуот анжуманида иштирок этди.

— Рақибни ғалаба билан табриклайман. Биринчи бўлимда ўйинимиз қовушмади. Жуда ёмон бошладик. Иккинчи таймда бироз ўзимизни ўнгладик.

— «Локомотив» сўнгги ғалабасини биринчи даврада «Пахтакор»га қарши ўйинда қўлга киритган эди. Ундан кейин жамоа ғалаба қозонгани йўқ. Жамоа нега узоқ вақтдан бери ғалаба қозонмаяпти?

— Мендан аввалги давр ҳақида жавоб бермайман. Истаган тезлигимизга иккинчи бўлимда эришдик. Тезлик етишмаяпти. Бусиз ғалаба қозониб бўлмайди.

— «Локомотив»ни иккинчи таймда яхши ўйнаганини айтингиз. Ҳақиқатдан ҳам шундай, аммо вазиятлардан фойдаланишда муаммолар кўзга ташланди?!

— Руҳият билан боғлиқ. Агар жамоа тайёр бўлмаганида иккинчи таймда ўйинга қайтмаган бўлар эди. Машғулотларда ҳаммаси ўхшамоқда, бироқ майдондаги руҳий холатимиз борасида ишлаймиз.

— Жамоани мавсум охирида турнир жадвалида ҳозирги холатидан яхшироқ ўринга олиб чиқишингизга ишонасизми?

— Албатта ишонаман. Биз 3 ўйиннинг 2 тасида юта олмадик. Биттасида енгилдик. Бугунги баҳснинг иккинчи бўлими сўзимга исбот бўлади.