"Марсель" "Фрайбург" ҳимоячиси Килиан Силдиллани сотиб олиш опцияси билан ижарага олмоқчи. Бу ҳақда журналист Фабрицио Романо хабар бермоқда.
Манбанинг хабарига кўра, француз клуби ўнг қанот футболчисини ватанига қайтариш учун учинчи марта уриниб кўрди. Энди немис клуби трансферга очиқ, футболчининг ўзи ҳам Прованс клубига ўтишни мақсад қилган.
Силдилла 2020 йилдан буён "Фрайбург" тизимида тўп тепмоқда, бир йилдан сўнг футболчи клубнинг асосий жамоасига ўтди. Ҳозир қанот ҳимоячиси 22 ёшда, у немис клуби сафида 85 та ўйин ўтказиб, 1 та гол урган.
