"Манчестер Юнайтед" Мануэль Угарте трансфери бўйича келишувга эришишга умид қилмоқда.

ESPN хабарига кўра, "Манчестер Юнайтед" ва "ПСЖ" трансфер ойнаси ёпилгунига қадар келишувга эришиш имкониятларига оптимистик қарашмоқда.

Қайд этилишича, Угарте "Манчестер Юнайтед"га ўтишга қизиқмоқда. «ПСЖ» ярим ҳимоячини 50 миллион фунтга (58,6 миллион евро) баҳоламоқда, аммо «Манчестер Юнайтед» керакли суммани тўлашга тайёр эмас.

Шу билан бирга, "манкунианликлар" Угарте бўйича музокараларда муваффақиятга эришиш учун бир нечта футболчилар билан хайрлашишга тайёр - хусусан, клуб Виктор Линделёф ва Жейдон Санчо бўйича таклифларни тинглашга тайёр.

Ўтган мавсумда Угарте Лига 1да 25 та ўйинда майдонга тушиб, 2 та голли узатмани амалга оширган.