"Арсенал" ҳужумчиси Эдди Нкетиа "Ноттингем Форест"га ўтишга рози бўлди.
"Ўрмончилар"нинг 25 ёшли футболчи билан музокаралари муваффақиятли ўтди - томонлар ҳамкорлик шартларини келишиб олдилар, дея хабар беради инсайдер Фабрицио Романо. "Арсенал" ҳам трансферни тасдиқлаш арафасида. Клублар ўртасидаги музокаралар якуний босқичда ва "Ноттингем Форест" ҳужумчи билан шартнома имзолашига ишончи комил.
Эдди Нкетианинг нархи Transfermarkt экспертлари томонидан 30 миллион еврога баҳоланган. Англиялик футболчи "канонирлар"нинг асосий таркибида 168 учрашувда 38 та гол урди ва 7 та голли узатмани амалга оширди.
