Марокаш терма жамоаси ярим ҳимоячиси, "Тулуза" аъзоси Закария Абухилал фаолиятини Англияда давом эттириши мумкин.

Футболчи ўтган мавсумни жуда ёрқин бошлади. У тўртта ўйинда учта гол урди, аммо "Марсел"га қарши ўйинда жиддий жароҳат олди.

У тиззасидан операция қилинди ва мавсумнинг кўп қисмини ўтказиб юборди. Таркибга қайтган футболчи яна базадан жой олишга муваффақ бўлди.

Эндиликда, Foot Mercato хабарига кўра, футболчи "Саутгемптон" вакилларини ўзига жалб қилган. “Авлиёлар” трансфер ойнаси ёпилгунига қадар шартномани якунлаш учун футболчини яқин вақт ичида сотиб олишга ҳаракат қилади.

Эслатиб ўтамиз, инглиз клуби эндигина элит дивизионга қайтди ва янги мавсумни иккита мағлубият билан бошлади.