“Ан-Наср” сўнгги 4 учрашувда фақат битта ғалабага эришди.

Бугун Криштиану Роналду тўп сурадиган жамоа Саудия Арабистони лигасининг 3-турида "Ал-Аҳли" билан дуранг ўйнади (1:1).

Иккинчи бўлимга қўшиб берилган 9-дақиқада автогол эвазига мағлубиятдан қутулиб қолди.

Сўнгги тўртта ўйинда “Ан-Наср” фақат битта ғалаба, мағлубият ва иккита дуранг қайд этган.

Эслатиб ўтамиз, Криштиану Роналду жорий мавсумда илк бор “Ан-Наср” сафида гол ура олмади. Илгари у тўртта учрашувда ҳам гол уриб, ажойиб натижа қайд этган. Шунингдек, у Португалия терма жамоаси сафида иккита ўйинда гол урган.