Шанба куни “Ливерпуль” ўз майдонида “Ноттингем Форест”га 0:1 ҳисобида имкониятни бой берди. Ўйиндан сўнг мерсисайдликлар дарвозабони Алиссон ўз фикрларини билдирди.
"Бу шармандалик. Ўз уйида очко йўқотиш умуман яхши эмас, аммо бугун рақиблар фақат ҳимояланишни ва узоқ паслар беришни хоҳлашди. Биз уларга буни жуда осон бажаришга рухсат бериб қўйдик. Ўтказиб юборилган гол эпизодида жуда ёмон ўйнадик.
Кўп вазиятлар ярата олмадик, сифат етишмади, бизга кўпроқ куч керак эди. Бугун биз уч очко йўқотдик. Рақиб яхши ҳимояланди", - дея Алиссоннинг сўзларини келтиради BBC.
