Эдуардо Итурральде Гонсалес "Барселона"га нисбатан пенальти бекор қилинишини қўллаб-қувватлади.
"Жирона" Ла Лиганинг 5-турида ўйиннинг 44-дақиқасида Иньиго Мартинеснинг қўлига тўп тегиши натижасида нуқтадан зарба бериш ҳуқуқини қўлга киритди. Видеотакрорни томоша қилган бош ҳакам Алехандро Мунис тўп унинг ортида турган шеригидан “блауграна” ҳимоячисига тегиб кетгани учун қарорини ўзгартирди.
"Тўп унинг жамоадошига тегди ва қоидалар бу пенальти эмаслигини айтади.
Унда шундай дейилган: "Агар жамоадошидан келган тўпдан ўзини узоқлаштириш учун улгурмай қўли тўпга теккан футболчига нисбатан пенальти берилмайди. Демак, ҳакам қоидага мувофиқ тўғри иш қилди", — деди собиқ ҳакам.