18 сентябрь, чоршанба куни италиялик ҳужумчи Сальваторе Скиллачи вафот этди. У 59 ёшида вафот этди. Собиқ футболчи узоқ вақт давомида йўғон ичак саратонидан даволанган.

Эслатиб ўтамиз, Сальваторе Скиллачи 1997 йилда футболчилик фаолиятини якунлаганини эълон қилган эди. 1990 йилги жаҳон чемпионатида италиялик ҳужумчи энг яхши тўпурарга айланди. "Скуадра Адзурра" таркибида форвард 16 та ўйин ўтказиб, 7 та гол урган. 1990 йилги жаҳон чемпионатининг бронза медали соҳибига айланди.

Клубдаги фаолияти давомида Скилаччи "Мессина", Туриннинг "Ювентус", "Интер" ва Япониянинг "Жубило Ивата" клубларида ўйнаган, у икки марта УЕФА кубогини ва бир марта Италия кубогини қўлга киритган.