"Реал" ҳужумчиси Килиан Мбаппе "Штутгарт"га қарши Чемпионлар лигаси 1-тур учрашувидан сўнг 18 ёшли бразилиялик ҳужумчи Эндрик ҳақида гапирди.
"Эндрик 18 ёшда ва у голлар уради. Буни қилиш қийин, лекин у буни қилади", - деди Мбаппе Madrid Zone билан суҳбатда.
Эслатиб ўтамиз, бразилиялик футболчи "Штутгарт" билан ўйинда ўзини кўрсатиб, 18 ёшу 58 кунлигида гол уриб, "Лос-Бланкос" сафида Чемпионлар лигасида гол урган энг ёш муаллифга айланганди.
Эндрик 2024 йилнинг ёзида 47,5 миллион евро эвазига "Палмейрас"дан "Реал Мадрид"га кўчиб ўтган эди. Сентябрь ойида у Ла Лиганинг 2-турида "Вальядолид" билан ўйинда гол урган ва тарихдаги энг ёш хорижлик футболчига айланганди. Аввалги рекорд 18 ёшу 152 кунлигида гол урган Рафаэлл Варанга тегишли эди.
