"Ливерпуль" бош мураббийи Арне Слот "Милан" ҳужумчиси Рафаэль Леау жиддий хавф туғдираётганини тан олди.
Сешанба куни мерсисайдликлар Чемпионлар лигаси доирасида "россонерилар" билан меҳмонда ўйнайди. Ўйин олдидан журналистлар “Ливерпуль” устозидан Леауни зарарсизлантириш учун нима қилиш кераклигини сўрашди.
"Биз унинг фазилатларини ўрганиб чиқдик ва у ҳақиқатан ҳам ўз фаолияти билан ажралиб туради. Биз Леауни тўхтатиш учун жамоа бўлиб ҳимояланишимиз керак. "Милан"да кўплаб яхши ўйинчилар бор, лекин у, менинг фикримча, энг яхшиларидан бири", деди Арне Слот матбуот анжуманида.
