Марк Андре тер Штегеннинг бугун "Барселона"даги илк ўйинига 10 йил тўлди. У клубдаги дебютини 2014 йилнинг 17 сентябрида Чемпионлар лигаси доирасидаги АПОЭЛ Никосияга қарши ўйинда ўтказган.
10 йил ичида у "Барса" таркибида 418 та ўйин ўтказиб, клуб тарихидаги энг кўп ўйин ўтказган 12-ўйинчига айланди.
418 учрашувдан 278 ғалаба, 75 дуранг ва 65 мағлубият қайд этган. У 175 марта ўз дарвозаси дахлсизлигини сақлаб қолган ва 409 та гол ўтказиб юборган. Шунингдек, у 2 та голли узатмани амалга оширган.
У "Барселона" сафида 16 та соврин ютган.
