Жон Терри клублар ўртасидаги жаҳон чемпионати ҳақидаги фикрлари билан ўртоқлашди.

Навбатдаги турнир келаси ёзда АҚШда бўлиб ўтади. Унда 32 та жамоа иштирок этади, жумладан, “Челси” ҳам ўйнайди.

“Футболчининг бундай йирик турнирда қатнашиш учун фақат битта, насиб қилса иккита имконияти бор.

Балки уч ёки тўртта, агар сиз Криштиану Роналду ёки Лионель Месси бўлсангиз, унда кўп имкониятларга эга бўласиз.

Оддий ўйинчи учун бу тез-тез содир бўлмайди ва менимча, ундан фойдаланиш муҳим. "Челси" учун бу соврин катта имкониятдир.

Клубнинг айни дамдаги аҳволини инобатга оладиган бўлсак, биз айнан шу нарсага эга бўлишни хоҳлаймиз - кубокни ютиш имконияти билан яшаймиз", - деди «Челси»нинг собиқ сардори Жон Терри.