Jon Terri klublar o‘rtasidagi jahon chempionati haqidagi fikrlari bilan o‘rtoqlashdi.

Navbatdagi turnir kelasi yozda AQSHda bo‘lib o‘tadi. Unda 32 ta jamoa ishtirok etadi, jumladan, “Chelsi” ham o‘ynaydi.

“Futbolchining bunday yirik turnirda qatnashish uchun faqat bitta, nasib qilsa ikkita imkoniyati bor.

Balki uch yoki to‘rtta, agar siz Krishtianu Ronaldu yoki Lionel Messi bo‘lsangiz, unda ko‘p imkoniyatlarga ega bo‘lasiz.

Oddiy o‘yinchi uchun bu tez-tez sodir bo‘lmaydi va menimcha, undan foydalanish muhim. "Chelsi" uchun bu sovrin katta imkoniyatdir.

Klubning ayni damdagi ahvolini inobatga oladigan bo‘lsak, biz aynan shu narsaga ega bo‘lishni xohlaymiz - kubokni yutish imkoniyati bilan yashaymiz", - dedi «Chelsi»ning sobiq sardori Jon Terri.