"Ливерпуль" бош мураббийи Арне Слот жамоаси таркибидан мамнун.
Чоршанба куни Лига кубоги доирасида "Вест Хэм"га қарши ўйинда нидерландиялик мураббий мунтазам машғулот ўтказмаган бир қатор футболчиларга порлаш имкониятини берди. Ўзгаришлар "қизиллар"нинг "болғачилар"ни 5:1 ҳисобида мағлуб этишига тўсқинлик қилмади.
"Сиз аллақачон кула бошладингиз, чунки икки ой давомида улар мендан фақат янги футболчилар ҳақида сўрашди. Таркибимизда қанчадан-қанча сифатли ўйинчилар борлиги ҳақида доим гапириб турардим. Ўйлайманки, биз бугун буни яна бир бор исботладик.
Мени энг қувонтирадиган жиҳати шундаки, барча футболчиларимиз майдонга тушиш имконияти берилганда, ўзларини якка тартибда кўрсатишга интилмай, балки жамоа учун астойдил ҳаракат қиладилар", — дея Слот сўзларини келтиради "Ливерпуль" расмий сайти саҳифаларида.
