"Ювентус" дарвозабони Маттиа Перин тез орада клуб билан янги шартнома имзолайди.
31 ёшли футболчининг шартномаси жорий мавсум якунланганидан кейин ниҳоясига етади, аммо "кекса сеньора" раҳбарияти тажрибали дарвозабон билан хайрлашишни режалаштирмаяпти. Журналист Николо Скиранинг сўзларига кўра, томонлар янги шартнома тузишга яқин турибди. Музокаралар якуний босқичга етди.
Маттиа Перин 2018 йилдан бери "Ювентус"га тегишли. Жорий мавсумда италиялик футболчи "бьянконери" сафида битта ўйин ўтказган бўлса, унинг ҳисобида туринликлар сафида жами 48 та ўйин бор.
