Хабарингиз бор, 14-20-октябрь кунлари пойтахтимиз дзюдо бўйича Ҳарбийлар ўртасидаги жаҳон чемпионатига мезбонлик қилади.
Шу кунларда бўлажак нуфузли мусобақада иштирок этувчи терма жамоамиз аъзолари пойтахтда ўқув-машғулот йиғинига зўр беришган.
Бугун Ўзбекистон Республикаси Мудофаа вазири ўринбосари, мамлакат дзюдо федерацияси раиси ўринбосари Алишер Нарбаев дзюдочиларимизнинг тайёргарлигини бевосита кузатиш учун машғулотга келди.
Унга Ўзбекистон дзюдо федерацияси бош котиби Азиз Собиров, федерация раиси ўринбосари Зафар Қаҳрамонов ҳамроҳлик қилишди.
Вазир ўринбосари дзюдочилар билан суҳбатлашар экан, жаҳон чемпионатининг бевосита юртимиз мезбонлигида ўтиши нафақат спортчилар, балки мураббийлар ва масъулларга ҳам катта масъулият юклашини, буни эса ҳар бир дзюдочи дилдан ҳис қилиши кераклигини урғулади.
