Чемпионлар лигаси гуруҳ босқичининг 2-турида Миланнинг "Интер" клуби "Црвена Звезда"ни қабул қилиб, рақиб дарвозасига жавобсиз тўртта гол урди. Улардан бирини аргентиналик ҳужумчи, Милан клуби сардори Лаутаро Мартинес киритди.
Маълум бўлишича, у Европанинг энг нуфузли футбол клуби турнирида ўз голлари ҳисобини очган ҳолда, ўз клуби рекордини такрорлади. Гап шундаки, Лаутаро Чемпионлар лигасида қаторасига олтинчи йил гол урди. Бу кўрсаткич бўйича у Хулио Крузга етиб олди – у ҳам Чемпионлар лигасининг қаторасига олти мавсумида "Интер" сафида ҳам гол урганди.
