Мамлакатимизда футзал бўйича ўтаётган жаҳон чемпионати ҳам ўзининг қизғин палласига кирди. Бугун, чемпионат доирасида ярим финал баҳсларининг дастлабки учрашуви ўтказилади.
Мазкур босқичдаги илк ўйин Украина ва Бразилия терма жамоалари ўртасида бўлиб ўтади. Шунингдек, эртага, 3 октябрь куни эса Аргентина ҳамда Франция термалари финал йўлланмаси учун курашади. Мазкур ўйинлар пойтахтимиздаги “Ҳумо арена” спорт мажмуасида маҳаллий вақт билан 20:00 да бошланади.
Маълумот ўрнида: ярим финал учрашувларда ғолиб бўлган термалар сўнгги ҳал қилувчи финал баҳсида жаҳон чемпионлиги учун кураш олиб борса, мағлуб жамоалар учинчи ўрин учун рақобатлашади. Бу ўйинлар 6 октябрь куни ташкил этилади.
